Pangunahing naaresto ang isang Chinese national sa operasyon ng mga awtoridad sa bodega sa Barangay Batia, Bocaue, Bulacan.
Kasamang dinakip ang isang Filipina na empleyado sa bodega. Doon natagpuang naka-imbak ang mga sako ng bigas na may mga pinekeng tatak ng bigas.
Isinagawa ito noong Setyembre 21, 2026, bandang alas-dos ng hapon.
Pinamunuan ito ng Bulacan Provincial Field Unit ng Criminal Investigation and Detection Group.
Kasama sa operasyon ang mga kinatawan ng Goldman Sack Manufacturing Corporation.
Nakipag-ugnayan din ang mga awtoridad sa mga territorial police unit.
CHINESE NATIONAL, OPERATOR NG UMANO NG PEKENG MGA SAKO
Nagsilbing basehan ng operasyon ang search warrant kaugnay ng umano’y paglabag sa Intellectual Property Code.
Sa paghalughog sa bodega, nakumpiska ang 101 bundle o 80,800 piraso ng mga sako.
May iba’t ibang tatak ang mga ito na umano’y lumalabag sa copyright at trademark.
Tinatayang umaabot sa ₱800,000 ang halaga ng mga nakumpiskang sako.
Ayon sa CIDG, iniimbak at kinokontrol ng mga suspek ang mga pekeng produkto.
Napag-alamang ipinagbibili rin ang mga ito nang walang pahintulot mula sa may-ari ng trademark.
Dahil dito, nahaharap ang dalawang suspek sa mga reklamo sa ilalim ng Republic Act 8293.
Ito ang Intellectual Property Code of the Philippines.
Kabilang sa mga reklamo ang unfair competition at paglabag sa copyright o economic rights.
Isinumite ang mga kaso sa National Prosecution Service para sa kaukulang legal na proseso.