Inatake ng mga hacker ang iba’t-ibang ahensya ng gobyerno sa Taiwan gamit ang makabagong artificial intelligence (AI).
AI-Assisted Cyber-attacks sa Taiwan Natuklasan
Nagsimula ang mga cyber-attacks sa Taiwan noong July 20 batay sa ulat ng Ministry of Digital Affairs.
Dahil dito, agad na naglabas ng mga babala ang National Institute of Cyber Security para sa publiko.
Ayon sa kumpanyang Dream, ginamit ng mga hacker ang mga AI agent upang gumawa ng autonomous hacking tool.
Napasok ng nasabing tool ang 85 user accounts at nakuha nito ang higit 2,500 na personnel records.
Bukod pa rito, idinamay rin ng mga hackers ang nuclear safety agency at pitong kumpanya ng enerhiya.
Epekto ng Cyber-attacks sa Taiwan
Hinala ng mga eksperto, may kaugnayan sa bansang China ang nangyaring cyber-attacks sa Taiwan kamakailan.
Gumamit kasi ang mga hackers ng Simplified Chinese sa kanilang mga internal communication habang nag-o-operate.
Paghahanda ng Taiwan Laban sa Bagong Banta
Sa kasalukuyan, maayos na ang lagay ng mga naapektuhang ahensya ng gobyerno.
Kaya naman, nagpatupad agad ang pamahalaan ng mga bagong alituntunin upang harangan ang mga susunod na banta ng hacking incident.
Mabilis kasing makahanap ng mga sistema na mahina ang mga bagong AI model ngayon tulad ng Mythos.
Subalit, ipinaalala ng mga eksperto na may tao pa ring nagbibigay ng utos sa AI.
Dahil dito, patuloy na magbabantay ang Taiwan upang maprotektahan ang kanilang mga importanteng datos.