Isa lamang si Marcos Ponce, residente ng Barangay Ilog Baliuag, Quezon, ang nakatanggap ng libreng operasyon sa isinagawang Surgical Caravan sa Sto. Domingo District Hospital.
Ayon kay Ponce, may katagalan na ang bukol na tumubo sa kanyang batok. At, dahil sa kakulangan sa pinansyal kung kaya hindi nya ito naipasuri, kaya malaki ang kanyang ipinagpapasalamat sa programa ng ating Pamahalaang Panlalawigan sa pangunguna ni Governor Aurelio “Oyie” M. Umali.
Ganoon din si Tatay Domingo Salvador, na mula naman sa San Miguel, Quezon, at isa rin sa mga mapalad na Novo Ecijano dahil nakapagpaopera ito ng libre. Aniya, halos sampung taon na ang bukol sa kanyang sentido. Bagama’t hindi ito sumasakit, pero aniya ay naroon pa rin ang kanyang pangamba.
Layunin ng programa na matulungan ang mga pasyenteng nangangailangan ng agarang operasyon ngunit walang sapat na kakayahang pinansyal.
PASYENTENG MAY BUKOL SA NUEVA ECIJA, NABIGYAN NG LIBRENG OPERASYON
Ayon sa mga medical team, mahalaga ang ganitong programa upang mabigyan ng agarang lunas ang mga pasyenteng matagal nang nagdurusa sa kanilang karamdaman.
Sinigurado rin ng mga doktor ang maingat na monitoring ng kondisyon ng pasyente bago at pagkatapos ng operasyon.
Isinagawa ang medical mission sa pangunguna ng Provincial Health Office bilang bahagi ng patuloy na pagpapalakas ng serbisyong pangkalusugan sa lalawigan.
MGA PASYENTENG MAY BUKOL SA NUEVA ECIJA, NABIGYAN NG LIBRENG OPERASYON SA SURGICAL CARAVAN NG PAMAHALAANG PANLALAWIGAN
Sa pamamagitan ng libreng operasyon, nabigyan ng bagong pag-asa at pagkakataong gumaling ang mga pasyenteng matagal nang naghihintay ng gamutan.
