Pagpapatupad ng U.K. Lifetime Smoking Ban
U.K. lifetime smoking ban ang opisyal nang inaprubahan ng mga lawmaker upang pigilan ang mga kabataan sa pagbili ng sigarilyo.
Dahil sa batas na ito, ang mga kabataang edad 17 pababa ay permanenteng pagbabawalan na makabili ng sigarilyo sa bansa.
Sa ilalim ng bagong Tobacco and Vapes Bill, itataas ang legal age sa pagbili ng tobacco taon-taon simula sa susunod na taon.
Samakatuwid, ang mga ipinanganak noong January 1, 2009 pataas ay hindi na legal na makakabili ng tobacco kahit sila ay tumanda na.
Bukod sa sigarilyo, mas hihigpitan din ang kontrol sa paggamit ng vapes at iba pang nicotine products para sa mga menor de edad.
Kasama sa mga bagong panuntunan ang pagbabawal sa advertising, display, at libreng pamimigay ng mga nasabing produkto sa publiko.
Mga Benepisyo ng U.K. Lifetime Smoking Ban
Ang lifetime smoking ban ay itinuturing na isang historic moment para sa kalusugan ng bansa ayon kay U.K. Health Secretary Wes Streeting.
Sinabi niya na ang repormang ito ay makapagliligtas ng maraming buhay at makakabawas sa mabigat na pressure sa National Health Service (NHS).
Dahil sa paninigarilyo, tinatayang 64,000 katao ang namamatay at 400,000 ang naisusuod sa ospital taon-taon sa England lamang.
Bukod dito, gumagastos ang gobyerno ng 3 billion pounds bawat taon para sa paggamot ng mga sakit na nakukuha sa paninigarilyo.
Bukod sa gastusin sa ospital, ang kabuuang economic cost ng paninigarilyo sa UK ay lumalagpas sa 20 billion pounds.
Kaya sa pamamagitan ng hakbang na ito, layunin ng UK na bumuo ng kauna-unahang smoke-free generation sa kasaysayan ng kanilang bansa.
Naniniwala ang mga opisyal na mas mabuting pigilan ang adiksyon bago pa man ito magsimula sa mga kabataan ngayon.
Paghihigpit sa Vaping at Nicotine Products
Kaugnay ng lifetime smoking ban, binibigyang-pansin din ng mga otoridad ang mabilis na pagdami ng mga kabataang gumagamit ng vapes.
Noong nakaraang taon, ipinagbawal na ang pagbebenta ng mga single-use o disposable vapes dahil sa masamang epekto nito sa kalikasan.
Ngayon, bibigyan ng kapangyarihan ang mga ministers na i-regulate ang mga flavours at packaging ng tobacco at vaping products.
Tinitiyak ng gobyerno na ang mga hakbang na ito ay para sa ikabubuti ng mas nakararami at para sa mas malusog na kinabukasan.
Kaya naman, ang UK ay nagsisilbing modelo ngayon sa ibang bansa pagdating sa kampanya kontra sa mapanganib na epekto ng tobacco.
Dahil sa bagong batas, mas masisiguro na hindi na mahuhumaling ang mga susunod na henerasyon sa anumang uri ng bisyo.
