Babala! Sensitibong Balita:
Nahaharap sa kasong statutory rape ang No. 9 Regional Most Wanted Person sa Region 2 na inaresto ng PNP.
Isinagawa ang operasyon noong June 8, 2026, sa Barangay Capintalan, Caranglan, Nueva Ecija.
Pinangunahan ng Philippine National Police ang operasyon sa ilalim ni PNP Chief PGEN Jose Melencio C. Nartatez Jr.
Nakilala ang suspek sa alyas na “Fred,” 31 taong gulang at magsasaka mula sa Santa Fe, Nueva Vizcaya.
Naaresto siya sa bisa ng isang Warrant of Arrest kaugnay ng kasong Statutory Rape.
Natunton ang kanyang lokasyon sa pamamagitan ng intelligence monitoring ng Santa Fe Municipal Police Station.
STATUTORY RAPE SUSPECT, MAY NAUNANG KASO NG PANGGAGAHASA
Ayon sa mga rekord, dati nang nakulong ang suspek sa New Bilibid Prison sa Muntinlupa City.
Ang pagkakakulong ay kaugnay ng isang naunang kaso ng panggagahasa.
Nakalaya siya sa ilalim ng probation noong 2023.
Kasalukuyang nasa kustodiya ng Santa Fe Police Station ang akusado.
Inihahanda na ang kanyang turnover sa korte para sa kaukulang legal na proseso.
