Ipinagmalaki ng lider ng North Korea na si Kim Jong Un ang pag-unlad ng kanilang militar sa pagbuo ng isang North Korea Nuclear Navy.
Kamakailan, inilunsad ng pamahalaan ng North Korea ang kanilang bagong 5,000-ton destroyer na binansagang “Choe Hyon”.
Ayon sa ulat ng state media, ginanap ang seremonya sa western port ng Nampo kung saan dinaluhan ito ng mga opisyal.
Plano Para Sa North Korea Nuclear Navy
Inaasahang magsisilbi ang naturang warship sa western coast ng bansa kung saan malapit sa mga disputed waters o pinag-aagawang katubigan.
Dahil dito, sinabi ni Kim na patunay ang barko na umuusad ang kanilang plano para sa North Korea nuclear navy.
Kakayahan Ng Bagong Warship Sa Ilalim Ng North Korea Nuclear Navy
Inihayag sa mga ulat ng Korean Central News Agency na ang Choe Hyon ang isa sa pinaka-advanced na naval asset ng North Korea sa kasalukuyan.
Maliban sa anti-aircraft at anti-ship systems, maaari rin itong magdala ng mga cruise at ballistic missile na may nuclear warheads.
Reaksyon Ng Mga Kalapit Na Bansa
Samantala, nagdulot ng karagdagang tensyon sa Korean Peninsula ang pagbuo ng naturang warship dahil sa hindi pagkakasundo sa Northern Limit Line.
Patuloy din ang panawagan ni Kim para sa mas marami pang malalaking destroyer at mga nuclear-powered submarine sa hinaharap.
Dahil sa hakbang na ito, nababahala ang mga karatig-bansa sa plano ng North Korea na maglagay ng strategic weapons sa karagatan.
Kasalukuyang binabantayan ng South Korea, Japan, at United States ang mga panibagong galaw na ito ng North Korea sa rehiyon.
